الاستبدال والاسترجاع

طبقًا لقانون حماية المستهلك رقم ١٨١ لسنة ٢٠١٨، من حقكم ترجّعوا أو تستبدلوا أي منتج خلال ١٤ يوم من تاريخ استلامه من غير ما تدونا أي سبب، ومن غير أي مصاريف.

تقدروا تستبدلوه بمنتج تاني، أو تسترجعوا المبلغ كامل.

زي ما القانون بيحدد، الحالات دي مش بترجع:

• المنتج اللي اتستعمل، أو اتلف بسبب طريقة استخدامه أو تخزينه بعد الاستلام.
• المنتجات اللي اتعملت مخصوص بمواصفات طلبتوها.
• المنتجات اللي طبيعتها متسمحش بإرجاعها، زي الأدوات اللي عبوتها اتفتحت واتستعملت في الأكل (لأسباب صحية).

الاستثناءات دي مش بتنطبق على المنتج المعيب.

لو المنتج فيه عيب صناعة، أو وصلكم مكسور أو مختلف عن اللي طلبتوه، كلمونا خلال ٣٠ يوم من الاستلام وتختاروا:

• نستبدله بواحد سليم، أو
• نصلحه، أو
• نرجّعلكم المبلغ كامل.

في الحالة دي مفيش عليكم أي مصاريف، ولا حتى الشحن.

• بالشحن: كلمونا ومعاكم رقم الطلب، وإحنا بنرتب مع شركة الشحن تستلم المنتج من عندكم من غير مصاريف.
• في المحل: تقدروا ترجّعوه بنفسكم في 3 شارع عز الدين محمد عطية - النزهة الجديدة - القاهرة، ومعاكم رقم الطلب.

بعد ما نستلم المنتج ونراجعه، بنرجّعلكم المبلغ خلال ٧ أيام بنفس وسيلة الدفع: لو دفعتوا كاش عند الاستلام بنحوّلها لكم على InstaPay، ولو دفعتوا بـ InstaPay بترجع على نفس الحساب.